仁濟醫院總理、王氏電子第三代後人王賢訊（Vincent）近排喜事連連，唔止一年內搞掂晒結婚、生女，本月初仲初嘗拉頭馬滋味，遲啲仲會進身作家行列，認真順風順水。Vincent本新書名為《輔命師》，係借用一位已故國家領導人當年打江山嘅歷史背景，再虛構一名喺背後助該領導人完成大業嘅術數高人賴杰嘅故事，新書將於七月喺書展面世。
Vincent對風水術數好有興趣，曾經研究過有關國家領導人嘅八字，所以就發揮天馬行空嘅創意，構思咗呢個故事。沉醉於寫小說嘅才子、才女，總喜歡喺咖啡室度橋，原來Vincent都唔例外，閒時經常去尖沙咀香檳大廈地庫嘅星座冰室，歎至愛嘅番茄腸公仔麵。佢話好鍾意冰室充滿老香港嘅感覺，有時靈感一到，會即時用手機寫小說添！
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
