特首選舉候選人唐英年喺上周五特首論壇時，不惜爆出無證無據嘅「政府高層會議」內容嚟抹黑對手梁振英。
民主黨代主席劉慧卿尋日就話，煲呔曾嘅集團有責任解釋及澄清是否有人披露行政會議內容，唔可以選擇性披露，好似西九比賽一事就提供資料，今次有關唐唐洩密就護短，扮晒縮頭烏龜，仲怒斥話：「咩都唔敢解釋，咩都唔想做，咁你坐喺嗰度做咩啫，你不如退位啦！」
