政情：港台擦鞋騷豪花公帑

政府今年撥款近二億三千幾萬元畀港台電台部，比去年少咗百分之二點三。但係就為特區政府成立十五年花費六十五萬元去做四十二小時嘅特備節目，佔電台直接開支近百分之一點三。而立法會選舉同嚟緊嘅倫敦奧運嘅節目開支分別只有六十萬元同五十萬元，時數亦分別得四十小時同卅小時。

雖然要使六十五萬元，但係如果市民鍾意睇係值嘅，所以最好就係衡工量值喇。之不過鄧忍光就話，各個特備節目係喺唔同頻道、日子同時間播出，所以難以預計收視率或收聽率喎。咁即係話乜都佢講晒囉。