政情：葉劉王倩儀結伴赴美

話說葉太日前同王倩儀傾開，先知道大家個囡囡都係入讀美國名校賓夕凡尼亞大學（University of Pennsylvania），仲係同一屆畢業，但Cynthia主修數碼動漫設計，而王倩儀囡囡就讀傳理系。橫掂順路，兩人於是約埋一齊搭飛機去美國，落機後再坐同一架車去大學，慳番車費之餘又唔怕悶，一舉兩得。

葉太話，今次除咗去捧囡囡場之外，仲會順便去紐約同華人聚集嘅地區，宣傳下自己同新民黨，之後會返名牌母校史丹福大學緬懷讀書時光，最後會喺西岸返港，行程相當充實。