政情：工專聯難得做番件實事

意見紛紜嘅工專聯表面同心協力做好年宵，但究竟喺年宵擺檔期間會否一心一意冇爭拗，仍有待觀察，事關工專聯嘅團隊精神尚未展現，例如去年底區議會選舉未有派人打正旗號參選，今年九月立法會選舉亦係同一命運，即自由黨、經濟動力同專業會議會繼續各自參選，以免突然變陣影響選情喎。

話時話，工專聯喺選舉呢啲大是大非面前，都未能統一戰線各自為政，如何可以說服工商專業界相信佢哋有更大牙力向港府爭取權益，實在好難講，話唔埋一個唔啱又拆檔就弊喇。