政情:鍾港武襟章暗示好打得?

油尖旺區議會主席鍾港武(Edmond)曾被視為民建聯嘅明日之星,但自該黨李慧琼當上九龍西立法會議員後,Edmond只專注地區工作。不過,最近特首選舉委員會區議會界別選舉及日前花園街排檔大火,Edmond終於有機會曝光。日前見佢去報名參選選委時,仲見佢西裝衣領上掛咗個「武」字嘅襟章,唔通想話畀人聽佢識武術好打得?

究竟襟章個「武」字點解呢?Edmond話,去年參觀上海世博期間,見到一大堆百家姓襟章時,原本諗住買番自己個姓氏,但始終搵唔到,反而搵到個「武」字,於是二話不說就買咗,自此就戴住出席活動。原來個襟章仲產生另外一個效果,就係令街坊問佢係咪識武術喇。

「Money18免費即秒股票報價網站」現推出8升級功能,財經資訊,實時實發!