政情:陳國民日日飲五青汁養生

德國寶嘅家電生意愈做愈風生水起,集團董事長陳國民(Edward)甚至親自拍廣告做代言人,難怪朋友叫佢做「家電大王」。Edward話,日日都會喺公司用自家攪拌機炮製五青汁,自己享用之餘亦與同事分享。咁追求健康又咁識氹員工嘅老闆,真係唔易搵。

德國寶已有三十年歷史,係地道嘅香港品牌。當年奠定公司市場地位嘅熱水爐,至今依然熱賣。不過,Edward冇偷懶,見到市場有新需求就及時推出新產品,近排佢哋嘅光波爐及自然養生機(攪拌機)就勁受歡迎,其中養生機以極速摩打將蔬果連皮同核都打得極幼細,一齊飲落肚至啱現代人追求健康嘅要求。

Edward就日日打五青汁嚟飲,亦與同事分甘同味。五青汁係由西芹、青蘋果、青瓜、青椒及苦瓜五種蔬果混合嘅果汁,坊間流傳對廿幾種疾病有神奇功效,包括降低膽固醇、血糖、失眠甚至癌症等。日日飲一杯,健康指數唔使灰。

「Money18免費即秒股票報價網站」現推出8升級功能,財經資訊,實時實發!