教育學院為咗正名做大學已經搞咗多年，但政府仍然懶懶閒，惹來師生好不滿。教院校長張炳良尋日被問到，兩個特首參選人梁振英同唐英年都冇講過教院應該正名做大學，佢會唔會兩個都唔支持呢？張炳良就打蛇隨棍上話，特首候選人最好着重教育議題，或者應該講吓教院正名。雖然佢唔係選委，但咁講等於吊高嚟賣，莫非邊個特首參選人肯支持教院正名大學，佢就支持邊個？
