一名商業罪案調查科警員，日前報稱喺執勤期間遺失一個斜孭袋，內裏載住六發子彈、一個快速上彈器、一支伸縮警棍及一支胡椒噴劑，真係大意兼烏龍，好彩到夜晚搵得番。立法會保安事務委員會主席涂謹申批評，有關警員未有妥善保管裝備，違反操守，如果有關裝備一旦落入不法人士手中，後果相當嚴重。
