中環出更：翁狄森豬錢罌首飾頌母愛

Dickson話，設計呢啲豬仔首飾嘅靈感，係來自兒時擁有嘅豬仔錢罌，令佢學識儲蓄，所以想將儲蓄嘅觀念延續落去。佢話，原來歐美國家好鍾意富有中國特色嘅首飾，佢曾以「囍」字為主題推出首飾，不僅歐美地區，連日本、韓國等亞洲地區都大受歡迎。

今次豬仔首飾喺法國製造，手工、用料都特別靚，而兩種唔同嘅設計，分別代表富裕同平民家庭，每個家庭只有媽媽同囡囡，獨欠爸爸。

Dickson話，社會上有唔少單親媽媽自強不息獨力養家，呢套豬仔就正正歌頌母愛嘅偉大喎。

可投入特製金幣

卓妮欣賞過呢系列首飾，最獨特之處係豬媽媽嘅設計同真錢罌一樣，背脊有一個入錢口，可以將特製嘅小金幣入落去，但小金幣仍未面世，預計下年初先會推出市面。