泛民主派究竟會派邊個出嚟選特首，依然仲係一個謎，但可以好肯定嘅係，泛民要攞到一百五十個選委提名入閘就真係有啲危。雖然公共專業聯盟話泛民派咗近二百人參選選委，但名單內有啲候選人就連自己已被納入泛民都唔係好知。其中參選法律界嘅大律師公會前主席陳景生就講明，就算佢哋條名單全部當選，都唔會綑綁式支持某一個人，暗示泛民唔好咁老定。
