港鐵粉嶺站 單車違泊阻道
北區單車違泊問題嚴重，部門處理不力招致市民不滿！李先生發現，港鐵粉嶺站外行人隧道及北區大會堂一帶長期被大量單車佔據，近日情況更愈形猖獗，不滿北區民政事務處未有致力打擊，「啲單車泊滿晒成條路，咁耐都未見過有人清理！香港有咁多個新市鎮，點解北區情況特別差？」
北區民政事務處發言人表示，上址單車違泊問題屬該處與食物環境衞生署、地政處、運輸署及警務處組成的跨部門工作小組管理及執法，過去一年曾採取廿三次清理行動，又計劃於明年中試行安裝雙層單車架以增加單車泊位，期望可根治區內單車違泊問題。
「其實呢個問題都講咗好多年啦，依家先講出年會加泊車位，有冇慢咗啲呀？」李先生直斥各部門處理北區違泊問題反應緩慢，亦批評當局執法欠主動，「到依家啲單車都係泊到周圍都係啦，都唔知係咪得個講字！」