港大民意研究計劃喺本月上旬訪問咗過千名市民，結果顯示有四人跌出十大。
鬍鬚曾亦落選
除咗李漢奸、民主阿婆同立法會主席曾鈺成，最令人意外係身為特區第三把交椅嘅財政司司長曾俊華都跌出排名榜，可見鬍鬚曾喺市民心目中已變成可有可無。取代四人嘅包括已表明會參選特首嘅梁振英（CY）同民主黨主席何俊仁，以及公民黨黨魁梁家傑同職工盟立法會議員李卓人。
CY同鐵頭仁上榜，唔問都知同特首選舉有關。至於袋巾傑同阿人上榜，相信係因為公民黨同阿人喺區會選舉中輸到趴街，變相令曝光率大增。當然，排得上十大熟悉政客榜亦未必係好事，但起碼仲算喺政界中有影響力，唔似李漢奸同民主阿婆咁黯然跌出十大，可以正式宣告收山。