陳小姐 廿四歲 （銀行業）：
「咩嘢都貴晒！以前買對平底鞋都係五百蚊，依家要成八百蚊！政府派六千蚊，儲起來都會貶值，使咗佢會值啲。本身都諗住去旅行，但六千蚊都去唔到邊度啦，只可以當係幫補下旅費囉！」
（袁志豪攝）
鄧先生 廿歲 （澳洲留學生）：
「上年喺澳洲返嚟香港，喺茶餐廳食個飯可能三十蚊有找，但依家成四十幾蚊，真係好貴！今年返嚟使錢都慳住就住，拎咗六千蚊會用嚟幫補車費、飯錢，但我一定唔會一次過使晒，可能都會買吓聖誕禮物。相信打工仔得萬幾蚊人工，真係咩都要慳！」
