探射燈：放蛇搜證 執法不難
針對有印尼人於機場內進行非法兌換印尼盾活動，香港印傭協會主席梁慶基指銅鑼灣一帶，甚至機場，均有不少兌換店可供「唱錢」，但部分印傭從家鄉返港時，帶有印尼盾，她們多會因「唔想蝕水位」，而拒絕光顧兌換店，轉而向他人兜搭兌換。
梁坦言按照有關人士的運作方式，相信部門難以執法，「佢哋（兌換者）大可以話只係畀（印尼）錢朋友，之後又有港紙收番，好難睇到有商業交易。」但執業大律師陸偉雄表示，執法部門可以「放蛇」搜集證據，「咁佢哋（唱錢黨）就唔可以話係社交活動！」
人手短缺唱錢為「搶人」
此外，有業內人士透露，現時印傭人手短缺，「幾乎十個（僱主）搶一個（印傭）」，不排除部分代理公司會聘用印傭於機場「搶人」，「唱錢只係為咗打開話題，之後就會問佢哋使唔使搵工，又話保證唔使返印尼都可以繼續有嘢做，總之『搶』到一個就有錢收！」