政情：哥頓太太新招撲水助紅會

胡太仲諗咗新招吸善款，如果有人捐錢畀紅十字會，胡太就將演講廳啲座位以善長大名命名。演講廳有四百個座位，分為金善座（前排）、銀善座（中排）及銅善座（後排），價錢為一萬蚊、八千蚊及六千蚊。目前已有幾十個金、銀善座畀班董事訂晒，其他座位就由即日起接受市民捐款。

除了捐座位，連樹葉同花朵都有得命名。該會將會喺新總部大樓當眼位置放置一幅牆畫，該畫係運用馬賽克拼出「人道樹」，每片樹葉同花朵都有價錢，分別係二千元及五千元，捐款人名字寫喺葉同花上面。諗到條咁好嘅橋，胡太就唔使擔心善款唔達標啦！