違泊車攻佔巴士總站
違泊問題無日無之，就連屬於一般車輛禁地的巴士總站亦被攻佔！荃灣愉景新城巴士總站雖已列為禁區，卻不時發現有非巴士車輛停泊，貨車、私家車甚至垃圾車等應有盡有，居民雖屢次投訴，惟政府部門卻未有正視。區議員直斥警方與運輸署互相推卸責任，加上執法不嚴，對違規者難起阻嚇作用。
荃灣美環街愉景新城巴士總站已列為禁區，除專營巴士及獲運輸署署長發出許可證車輛外，其他車輛均禁止進入。不過居民陳先生卻發現常有私家車及貨車違規停泊，「話就話係巴士站，但周不時都見到有貨車同私家車泊喺嗰度，搞到個巴士站變咗停車場！」
垃圾車貨車自出自入
私家車與貨車違泊外，另一居民區先生更曾目睹有垃圾收集車在巴士站內違規停泊，「啲車係咁自出自入，直情當咗巴士站係私人停車場咁，咁都冇人抄牌，畀我都泊入去啦！」區直指不時違泊的垃圾車輛常傳出難聞惡臭，對環境衞生造成滋擾問題，途經路人無不急步掩鼻而過，「搞到成個垃圾站咁，點解會冇人理？」
運輸署發言人表示，接獲轉介後即時派員實地了解，發現有貨車在上址違泊，已向警方反映並要求加強巡邏及執法。
警方發言人則證實曾接獲上址有車輛違泊的投訴。發言人稱，已根據「靈活執行交通法例政策」採取執法行動，確保道路暢順及防止交通意外發生。發言人稱，倘停泊車輛對其他道路使用者造成阻塞，警員在適當考慮有關交通情況後，會向違例司機發出定額罰款告票。警方並會繼續留意及跟進有關情況。
「巴士站唔應該用嚟做停車場，警方有必要加強執法！」荃灣區議員羅少傑認為，上址既屬管制道路區，警方必須依法採取執法行動，保障道路使用者安全。羅又認為，警方作為前線執法人員，處理違泊問題責無旁貸，「有法例就要執行，成日都係收到投訴先搵人留意同跟進下，咁嘅做法點會起到阻嚇作用？」羅促警方必須定期派員巡邏視察，發現有違泊人士即予以檢控，以杜絕違規之舉。
記者：徐少琴