渡海濠情：門長開 水長流
耗資五十億港元興建嘅新政府總部，有指係豆腐渣工程，甩甩漏漏，新大樓變滲水樓，淪為國際笑話，但澳門有夜場PR竟然力撐港府，好似富城會嘅想想就話「門常開、水常滲」係好兆頭，甩甩漏漏總好過等運到喎！
風生水起
提起新裝修，澳門富城會剛啱都係新裝營業，細佬親身入場視察過，夜總會不但裝潢華麗，且絕冇甩漏問題，連裝修異味都搵唔到，難怪好多PR都笑言，幫夜場裝修嘅師傅應該去建政府新大樓，咁就包冇衰喎！不過講到甩漏，想想就話好小事，更籲香港人不應笑埋一份，反而要多多體諒喎！想想話：「所謂水為財，家陣未正式運作已有水漏，證明風生水起，話唔定下屆政府仲有錢派，庫房收入大增，大家應向好嘅方面諗！」
阿妹你真係信口開河，家陣唔係叫你入去做嘢，掉轉頭你上房見到天花漏水，我又信你唔會投訴，仲可以盡情搞嘢？想想話：「咁就要視乎邊個位漏水喇，若然滴唔到我同人客，其實都冇所謂，更唔會以投訴態度斥責對方。」
多水多汁
想想不但對甩甩漏漏視若無睹，更認為別有好處。佢解釋：「以我所知不少信邪嘅姊妹，都希望揀間滲水或漏水房，聽聞係寓意水長流，咁搞起上嚟都可以多水多汁喎！仲有新政府大樓門常開嘅概念，我懷疑都係抄夜場習俗，事關夜總會或桑拿甚至髮廊都採用『門常開』，希望吸引多啲人客幫襯，因此我知道有唔少同行，入K房或上房都絕不會親手閂門，情願留畀侍應或人客自己閂，佢哋怕會帶嚟唔好意頭，以後冇人幫襯喎！」吓，閂門都唔制，莫非班衰妹連去廁所都大開中門？「話明係信邪，梗係信到十足啦，我仲聽過有囡囡自從習慣唔閂門後，真係做到『門長開，水長流』，一日坐十幾枱客，K房上房未停過，睇怕我都要學吓佢至得囉！」
想想 小檔案
三圍：34-24-33
身高：5呎4吋
撰文：祖 攝影：昌