港大校務委員會日前通過成立小組，檢討國務院副總理李克強訪問港大期間嘅保安爭議，被部分港大學生同校友批評為「自己查自己」，事關搵咗被視為親政府嘅前律師會會長黃嘉純做小組主席，所以要求解散小組，改為法定獨立調查委員會或立法會專責委員會徹查。不過，校務會主席梁智鴻（金刀梁）尋日就死撐話，小組未展開工作就下定論，並不公平，暗示唔會放棄檢討小組。
