中環出更：黃進達捧港姐 唔帶狀元團

交波畀老竇

「狀元團」喺北京展開五日四夜之旅，話咁快近尾聲。黃老闆寶刀未老，帶隊行長城、遊鳥巢，氣都唔喘，狀元都寫個服字。可惜美中不足嘅係，行程對記者限制多多，而且一改再改。

話說團友一開波就收到通知，取消參觀全國鐵路通信訊號研究所行程，呢個決定唔知係咪同溫州高鐵慘劇有關，就不得而知。

出爐港姐將去海南島做親善訪問。 （資料圖片）

黃士心（左）同狀元學生講解北京嘅風土人情。

不過，尋日又有節目臨時取消，話說大會只帶三十九名團友參觀全國青聯，但記者要「食檸檬」，康泰未有進一步解釋。有團友仲話，嚟緊參觀解放軍軍營，都唔畀影相。

不過，黃老闆就見招拆招，迅速安撫記者。食飯期間，風騷地大談仔女經，佢讚大仔Jason愛心爆棚，經常帶康泰義工隊服務社會，而細女Connie亦曾經去非洲教英文。

卓妮

至於次子Johnny仲巴閉，喺滙豐銀行任職總經理，年薪二百萬元。仔女咁生性，真係飲得杯落嘞。