審計署同立法會政府帳目委員會先後發表報告，狠批東亞運動會帳目混亂及亂花公帑，帳委會更對負責東亞運嘅民政事務局局長曾德成表示「極度遺憾」。立法會尋日一致通過帳委會報告，但德成局長繼續堅拒認錯道歉，只係話會接納報告內嘅改善建議，變相否定報告對佢同政府嘅批評。德成局長明顯失職犯錯仲死撐到底，只怪問責制早已蕩然無存，令問責官員有恃無恐。
