政情：煲呔曾僭建跪低死不認錯

特區政府僭建風暴愈吹愈烈，繼環境局副局長潘潔同教育局局長孫明揚嘅住所被揭發有僭建後，連煲呔曾名下間祖屋都有僭建玻璃窗，不過三位高官嘅處理手法就各有不同。潘潔同孫公事後都立即認衰同着手清拆僭建物，孫公仲公開向市民致歉添。反而作為特區之首嘅煲呔曾，拖咗兩日被屋宇署「大義滅親」後先肯跪低搵人清拆，但就冇為事件公開道歉，擺明係死不認錯、嚴人寬己、視民憤如浮雲。