房車停泊五年海關懶理
張小姐（化名）日前駛經葵涌海關大樓二樓，擬泊車期間發現有一輛以「車冚」蓋着的私家車在場內停泊，在好奇心驅使下打聽，獲悉有關私家車原來已在同一車位停泊逾五年，「聽講嗰架車係一個死咗嘅海關職員揸開，再咁泊落去真係幾恐怖，海關有乜理由咁多年都唔理架車？」張希望海關盡快解釋清楚，以釋疑慮。
葵青區議員徐曉杰直言對事件莫名其妙，懷疑海關行政失當，「理論上個車位泊超過一年都應該要續期，有乜理由幾年架車冇出冇入泊喺度都冇人理？」徐要求海關徹查事件，避免問題再次發生。
對於有關私家車是否死去海關職員所擁有，海關未有正面回應，只透露該署職員已成功與有關人士聯絡，該車輛已被移走及事件已獲妥善處理。但對於五年來未能聯絡有關人士，在追問下才能成功聯絡的因由，發言人亦未有言及。
讀者爆料ireport_00025629