隧道飆單車多年無執法
行人隧道單車亂飆，收掣不及隨時撞倒行人，釀成意外。高先生指出，連接彩虹邨與九龍灣麗晶花園的行人隧道不設單車徑，但常有市民違規飆車，「啲單車橫衝直撞，好容易會撞倒人﹗」
警方發言人表示，接獲轉介後已加強巡邏上址，一旦發現有人違例踏單車，將採取適當執法行動。根據警方紀錄，過往一年未有接獲有關投訴。
「吓？已經講咗好多年啦，到依家都冇改善過，仲話冇收過投訴？」觀塘區區議員潘進源直言，曾多次向警方反映有關事件，並建議路政署在隧道出入口加設路壆，以逼踏單車人士須徒步進入隧道，但當局最終不了了之。潘又建議警方加強檢控違規人士，以收殺一儆百之效，「淨係巡有咩用吖，要票控先嚇到啲人！」