政情：林鄭空城計龜縮閃人

林鄭尋日幫一個建築界活動擔任主禮嘉賓。早喺活動完結之前，大批傳媒已喺場地正門等候，希望林鄭可以交代丁屋僭建理順計劃嘅最新進展。發展局嘅新聞官及有關活動嘅工作人員亦有備而來，喺林鄭離場前特地向記者打聽計劃會問乜嘢問題，又特意架起記者區，千叮萬囑記者唔好追出去。

工作人員設得記者區，一眾記者自然預計，即使林鄭最終拒絕回答提問，亦可以拍攝到佢離場嘅情景。點知等咗一陣後，工作人員竟突然宣布林鄭已循另一出口離開，唔少記者頓時覺得被騙，噓聲四起。林鄭素來有「好打得局長」之稱，何解今次要搞到擺空城計速閃咁縮骨呢？