傢俬店屢水浸 領匯管理差
呂太在青衣長亨商場經營傢俬店多年，不滿領匯過去兩年管理不善，令傢俬店蒙受嚴重損失，「淨係舊年已經試過兩次水浸，上個月又浸過，幾萬蚊傢俬全部爛晒，賣都賣唔出！」呂太不滿領匯未有做好管理公司責任，「淨係識得加租，講到管理，房屋署管理真係好好多！」
指事件交保險公司跟進
領匯發言人解釋，商場主任及保安員每日均定時巡邏商場以確保設施運作正常。倘遇突發事件，職員會即時跟進處理，通知及協助受影響商戶並作出相應行動。至於上述個案現已轉交保險公司跟進，店方亦已委託公證行作客觀評估。
當區區議員雷可畏直斥領匯未有做好管理責任，每於出事後只將責任推予保險公司及公證行，對小商戶毫無保障可言，「一單半單都算，計埋今次已經第三次水浸，明明全部關晒公眾地方事，領匯咁都可以推卸責任，真係離晒大譜！」雷促領匯盡快為商戶作出賠償，以保障商戶利益。