海事處前助理處長秦炳輝退休後申請過檔信德中旅船務觸礁，雖然公務員事務局日前批准佢個就業申請，但就將佢退休後嘅再就業禁制期由六個月延長至十八個月。
秦炳輝尋日狠批當局做法唔公平，仲大呻今次畀堅決同新世界再續「錢」緣嘅梁展文累死，事關佢認為公務員事務局喺梁展文事件後，為怕孭鑊，先至對佢採取如此強硬態度，令佢慘成代罪羔羊喎。
