蔡楓華捱車撞 神經痛上頭

倒後鏡撞傷左手肘

現年五十歲的蔡楓華，昨午一時許，他獨自在樂道一間書局，睇書兼購買文具後，欲前往購買名牌手袋，及後獲店員告知附近有名牌手袋店，遂按照指示前往名店擬購買手袋。他表示，橫過馬路前已發現遠處有一輛寶馬四驅車向他方向駛來，他當時估計「冇咁快駛到」，於是背着四驅車「打斜」橫過馬路，豈料，四驅車迅速駛近，右邊倒後鏡撞及蔡左手肘。

姓方（四十一歲）司機見蔡仆向前面，立刻停車及下車詢問其情況。方表示，雖然蔡頭戴鴨舌帽及太陽眼鏡，依然一眼認出他，獲悉蔡左手受傷後致電報警。救護車到場將蔡送院治療，蔡送抵醫院時，發現有記者採訪，除向記者揮手打招呼外，並用手按着左肩，施施然步下救護車入院治療。

蔡在醫院接受訪問時，表示僅左手受傷，惟導致神經痛，痛楚影響左肩及頭頸，但他表示「無乜特別事，只係入急症室睇吓」，治療後無礙出院，只需要服食消炎藥。蔡楓華透露，早前開演唱會後，發現左腳肌肉勞損治療。

蔡指會保留追究權利，並視乎情況才決定會否睇私家醫生，又謂「娛樂嘅嘢唔答，唔想炒作新聞」。他取藥後繼續購物行程，乘搭的士重返尖沙咀買「心頭好」。蔡楓華八十年代紅遍樂壇，以《倩影》、《絕對空虛》、《何必曾相識》等歌最為人熟悉。長時間無踏足樂壇的蔡楓華，本年三月他再戰樂壇，在九龍灣連開三場「個唱」。