政情：社記狂示威阿陶嗌好攰

社記喺過去幾日分別上街抗議地產商起發水樓、聲討港鐵加價、反核電、聲援內地茉莉花革命、狙擊民建聯，同埋動員參與藝術公民搞嘅遊行等，總共七次，日日精彩。阿陶話，自己去咗四單，已經好攰，「黨員都話有得輪換，但黨主席唔去，啲人就會問佢去咗邊。大佬，Ｃ朗都冇可能場場踢啦！」

一間電台最近搞咗個節目，請來各個政黨嘅第二梯隊去討論政策，包括陶君行、公民黨黎廣德、民建聯張國鈞、新民黨史泰祖，同埋民主黨黃碧雲，全部都係蠢蠢欲動要參選。該節目係想做到好似立法會嘅動議辯論咁，畀大家討論政策，其中黃碧雲最認真，佢話出動個黨嘅政策部幫佢做功課。