政情：民間電台踩場反被玩

話說當日鄭青雲嘅態度謙恭，而且笑容滿臉，可惜答嘅始終都係官樣文章，揸住守則同法律照本宣科，即使幾努力回應阿牛同長毛嘅提問都冇用，因為佢始終無話事權。鄭青雲更表明，現時香港可供數碼廣播嘅頻譜已經滿晒，除非電訊管理局肯開放頻譜，否則即使份計劃書做得幾好都唔使旨意獲批牌照喎。最終搞到長毛提早離場，以示無奈。

阿牛就話，民間電台唔會理咁多，繼續照舊申請牌照，雖然明知唔會成功，但亦會努力爭取喎。