渠蓋凸起湧污水溢臭
葉先生日前行經牛池灣文娛中心，發現中心正門外不遠處有一污水渠蓋凸起逾一吋，並有污水不斷由渠蓋邊位湧出，「啲污水係咁流，又污糟又臭，搞到個個都要兜路行！」
渠務署發言人表示，有關污水沙井由牛池灣文娛中心管理，公共排污系統則由渠務署定期護養。經調查後證實，有關沙井下游公共污水渠受雜物淤塞，引致污水積聚並不斷溢出，職員已即時清理有關渠道並確定渠管回復正常。
「隔籬就係街市，好多污糟嘢會流入污水渠，塞咗會好大件事！」區議員何賢輝指當區地下管道設施已使用多年，促渠務署加強護養及定期清理污水渠，減少出現意外的機會。