中環出更：阿涂推介石澳鹹魚煎肉餅

阿涂又推介張記嘅滑蛋蝦仁，啲蝦大大隻唔在講，而且隻隻都好有鮮味，絕非雪藏蝦之流。兩味餸分別盛惠六十八元及七十元，算唔算貴實在見仁見智，但阿涂話嗰度亦有三十五元嘅套餐，有飯有湯，賣相都唔錯，可以話係平有平食、貴有貴食。

唔經唔覺，原來阿涂都有成十年無去過石澳，一切皆因佢唔識得游水，所以就趁得閒同老婆去石澳走番一轉，兩口子過吓甜蜜嘅二人世界，可惜石澳位置遠咗少少，如果唔係佢哋可能經常入去開餐都未定。