政情：鬍鬚曾借奧巴馬過橋

鬍鬚曾篇網誌題為「改變，由你開始！」講佢上星期再次應邀出席「MaD全會」開幕禮，同一千二百名來自中、港、台等地嘅年輕人「一起見證創意的力量」。鬍鬚曾濃筆重墨解釋，「MaD」嘅全寫正係Make a Difference，強調「無論你或我」都要創新求變。

眾所周知，奧巴馬靠奪目口號「change」（改變），打動美國國民嘅心，贏取總統寶座，鬍鬚曾突然奧巴馬上身，學人講change，無非又係想為自己臉上貼金啫。不過，鬍鬚曾年年計錯政府開支、估錯通脹，好心Make a Difference先至再講啦。