政情：黃國桐指批評判決冇違法

近千市民不滿終審法院常任法官包致金姪女三度襲警仍獲輕判，尋日參加「萬人黑衣大散步」抒發己見、表達不滿。公民黨黨魁余若薇日前話，示威者有可能干犯藐視法庭罪，律師黃國桐就好唔同意呢個講法，佢唔認為市民嘅行動會構成藐視法庭罪，佢仲話如果律政司要提出檢控的話，第一個搵佢啦。即係話佢冇有怕，唔信會因為批評判決而干犯官非。