Starry喺電台節目指，運輸及房屋局提供嘅資料顯示，香港有二百五十萬個住宅單位，而住戶總數只係二百三十萬個，表面睇嚟，香港住宅供應充足無問題。不過，Starry隨即踢爆，呢個其實只係假象，並非真相，事關樓價節節上升，好多年輕夫婦根本「上唔到車」，所以先至迫於同父母甚至外父外母同住，如果唔係樓市咁畸形，香港住戶點只二百三十萬個？Starry批評，依家樓市狂飆，就知求過於供啦，當局一定要做嘢。
呃呃氹氹，通常都無好下場，八達通被揭發出售客戶私隱資料圖利之初，行政總裁陳碧鏵就係因為講大話，以圖掩飾真相，最終導致誠信破產，要請辭平息公憤。Eva鄭要吸取教訓呀！