政情：鐵頭仁沖繩抖暑叉電

我哋尋日四點幾喺中環置地廣場對開，見到鐵頭仁一個人企喺樹蔭下睇緊自己本著作《謙卑的奮鬥》。何解鐵頭仁要睇番自己本書咁搞笑？原來佢約咗朋友飲茶，本書係送畀朋友嘅啫。對於有指佢落咗「柯打」，唔畀白鴿黨核心成員八月離港放大假嘅傳言，鐵頭仁就矢口否認，仲自爆過幾日會同太太及一對夫妻朋友去沖繩玩喎。佢話嗰邊環境舒服，抖暑一流，玩完返嚟等立法會復會先繼續工作。

另外，民主黨副主席劉慧卿早前揚言希望黨友可以喺考勤方面做好啲。卿姐強調，其實黨友出席泛民飯盒會，紀律係完全冇問題，民主黨每次最少有一名議員及一名職員出席，總之係充分參與喇。