手推車爭路 警方漠視危機
香港交通繁忙，警方須留意各種突發事故，確保交通秩序不受影響。屯門居民龍先生發現，經常有人在屯門鄉事會路和杯渡路一帶馬路推着載滿雜物的手推車，對車輛視若無睹，駕駛人士為免發生意外被迫左閃右避，「咁樣推住架車都得？警方好心做吓嘢啦，佢自己唔要條命，我撞到佢都好煩㗎！」
屯門區議員陳雲生表示，早已收過類似投訴，亦多次向警方反映上述問題，可惜情況一直未見改善，「警方每次都話佢冇違法，要真正影響到人先可以告喎！點樣算真正影響到人先？係唔係要等發生意外先做嘢？」
警方發言人指出，市民在行車道推手推車或踏單車皆不違法，但若其行為對其他道路使用者構成危險才會觸犯法例。發言人續稱，屯門警署曾多次派員到涉事地點調查，但並無任何發現。警方在過去一年曾收過一宗行車路上推手推車的投訴，已口頭警告有關人士。