網民怒斥搵笨過分

「suittie2000」直斥：「港鐵就係養咗一大班高層，只為自己的薪津，完全無視社會需要，肥上瘦下！」「Injured」則稱：「加價係因為知道高鐵實蝕勁多，今次唔夠，下次又加了。」「Crazy_Yammie」說：「又嚟搵市民笨，mtr年年賺咁多錢，都仲要係咁加價？！」「abc_is_me」質疑：「有冇搞錯呀？佢擺明有錢賺都又加價？無視我哋啲小市民嘅生計！」

「真係好唔公平」

「為富西人」說：「用八達通平過現金買票，係天經地義，早年先有裝幕門每人每程加一毫，依家當大家都習慣使用八達通時，地鐵就整招八達通貴過單程票過你歎。」「朗1011」亦稱：「無理由八達通卡收費仲貴過一張單程票，咁樣係咪有啲不對呢？」「waterwaterpig」指出：「早排合併時大量票價都有減，唯獨全月通無減過，依家加價，全月通又要一齊加，真係好唔公平！」