龔仁心：追佢稅係應該
【本報訊】「政府追佢稅係應該嘅！」華懋慈善基金掌舵人龔仁心對於稅務局終於入稟法院向陳振聰追稅表示歡迎，並大讚稅局出手相當合理，他坦言：「有收入梗係要交稅啦，呢個係每個香港人嘅責任，佢以前咁『大使』，如果無留番錢交稅，就自己攞嚟啦！」
對於陳振聰被追討三億四千多萬元，龔仁心昨接受本報訪問時頻說：「稅局追佢稅，幾好呀！政府應該追㗎！香港個個有收入嘅人，都要交稅㗎啦，作為一個有良知嘅人，賺咗錢就要交稅啦！呢樣嘢好合理！」
以往陳振聰生活奢華，以「富豪」形象示人，如今卻被指在繳稅到期日仍未付稅，龔仁心不諱言：「佢以前生活咁豪，住好食好着好，出出入入都有保鏢傍住，佢咁『大使』，無理由無留番啲錢交稅㗎！應該一早預咗啦！」
傳陳振聰銀彈耗盡
法官早前已下令由陳振聰支付華懋在爭產案中大部分堂費及遺產管理費，估計合共超過二億元，但因陳已提出上訴，雙方料於明年一月再在庭上交鋒，而律政司的三百萬元訟費一樣由陳找數。有傳陳振聰已耗盡「銀彈」，需變賣家當「撲水」，龔仁心則笑言，不會猜測對方「有冇錢打官司」，但強調華懋一方對官司充滿信心，重申希望訴訟完結後，華懋可盡快取回款項撥作慈善用途。