撬爛雪櫃偷1.3萬現金

不過，今年七月底某日，喜姐開檔時發現雪櫃掛鎖被撬爛，近一萬三千元現金不翼而飛，即時報警求助，「依家惟有辛苦啲，日日袋住成廿斤重嘅大餅（零錢）返屋企，第二朝再捧返嚟開檔！」

喜姐失竊後一星期，附近菜檔的區太亦同樣遭殃，「以為有差人嚟過會好啲，點知我都畀人偷咗六、七千蚊！」另一菜檔檔主司徒先生不滿食環署以及警方執法不力，令檔戶保障全失，「同佢哋講都冇用，爆格事件到依家都成兩個月啦，乜都做唔到！」街市內大部分檔戶均直言已不敢再將錢存放檔內。

食環署發言人未有回應保安不足的指摘，只稱北河街街市保安外判承辦商須提供二十四小時保安服務，自發生爆竊案後，已經要求保安員加倍留意及增加人手巡查。另外，該署已知會建築署，研究在街市內加設閉路電視及防盜鏡。

警方發言人證實，今年內共接獲四宗涉及上址之店舖盜竊案，其中兩宗發生於七至八月。

司徒先生：「以前都會擺錢喺度，自從有賊偷嘢後就一毫子都唔敢擺，希望快啲裝閉路電視啦！」

區太：「希望食環署同警察快啲做嘢，捉到人我哋就唔使日日提心吊膽啦！」

外判冇監管 質素參差

不過，北河街街市枱商協會會長黃天雄坦言對食環署的「決心」有所保留，並指早在六、七年前，北河街街市亦曾經發生盜竊案，當年已經要求食環署增設閉路電視，「佢哋一味拖，淨係話研究，搞咗幾年又係呢樣唔得、嗰樣唔得！唔知今次又要搞幾耐！」黃續指，其實今年七、八月間發生的失竊案共有六至七宗，只是檔主怕麻煩而未有舉報。

「點樣外判法淨係由食環署自己內部做評估，公眾根本冇得監管！」當區區議員劉佩玉認為問題癥結在於人手不足，加上外判招標制度透明度欠奉，致令外判質素參差。劉要求食環署提高外判制透明度，以徹底改善問題。