卓妮尋日致電恭喜Caspar，佢自爆求婚地點唔係喺香港，而係英國劍橋大學宿舍附近，皆因未婚妻畢業於劍橋後喺英國從事金融服務業，早有準備嘅Caspar去年初就事先喺香港買定婚戒，飛去英國會合女友。求婚當日，Caspar先喺木椅上同女友情話綿綿一番，見四處無人即跪下求婚，氹到女友心花怒放，一口答應做徐太。

度蜜月去動物園做義工

婚期定於十月十六日，喺尖沙咀洲際酒店筵開多席。Caspar話，未婚妻現時身在中東公幹，所以忙到連婚紗相都冇時間影，Caspar自己亦因工作繁忙，攞婚假亦只揀咗結婚當日及婚前一日，留待十月尾再攞兩星期大假，同嬌妻飛去溫哥華拜會外父、外母及女家親朋戚友，再諗住飛去泰國做義工。

唔係啩，結婚都掛住做義工？Caspar笑言，喺動物園做義工好處多，既可以親近小動物，又可以為大象洗白白，機會難得，未婚妻都拍手叫好喎。

卓妮