愛看《美女廚房》

賭王其中一名女兒昨晚透露，賭王病情進展良好，但仍未知曉能否於中秋節前出院跟家人團圓。她說：「何生每日都加運動量，主要踩單車，依家每日可以踩十幾分鐘（單車），舒展身體。（胃口點？）跟營養師餐單，每日加卡路里，因為之前佢瘦咗十幾磅。（有冇話過想出院？）佢知自己情況，其實呢兩日有啲咳外，無乜嘢。（康復進度有冇八成？）睇吓你用乜基準。如果用以前咁密集式運動量比，一定無八成，整體來講病情無問題。」她說父親最開心見到家人到醫院探他，現時賭王最愛看電視節目《美女廚房》。

三太女兒何超雲則表示曾叫父親快點出院，反被父親笑鬧「黐線」，由於想多點時間陪伴父親，故會延至十月才返英國大學開學。她亦不時與父親傾談她在英國讀書的事，又與父親一起看新聞及打麻雀。超雲說：「我剪短咗頭髮，初時爹哋唔認得我，要撥起頭髮先認得。」