公司捽數 顧客詐型

創盛理財財富管理部董事陳寶琪指，不同公司要求前線員工需達致的每年營業額下限目標並不一樣，部分「捽數捽得好厲害」的公司，一位同事每年需有數千萬美元營業額不足為奇，因此，投資理財顧問屬極高壓力工作，客戶蝕錢後致電投訴更幾乎是必然現象，她說：「客人落盤時如果個投資經理心裏面諗緊點幫公司跑數，分分鐘會㩒錯掣。」

即使有賺有蝕是投資定律，但陳寶琪指，客戶蝕錢後向公司「詐型」屬平常事，若是投資理財顧問錯誤理解客戶意願導致投資虧損等嚴重犯錯，投資理財顧問更可能需分擔部分公司向客戶作出的賠償，個人名聲在行內亦會受損。陳寶琪指她空閒時會到外地賽車或與友人玩撲克減壓，她說：「有人話做呢行食得鹹魚抵得渴，但人始終會犯錯，最重要唔好諗住自己搞得掂而隱瞞，當然公司體諒亦都好重要。」