一拍即合

青島話：「我都唔明，但佢係我哋雜誌嘅多年顧客，佢叫到咪幫吓佢囉！於是介紹一間中型嘅性用品生產商畀佢，佢膽粗粗就去咗見人哋老總，我諗住一定撞板，仲買定禮物，萬一搞出啲乜嘢事，我要親自出面送禮謝罪，替佢補飛。」

最後點樣呀？青島話：「真係估唔到，佢哋竟然一拍即合，生產商答允全力支持老闆，首批道具用品，全部免費。」點解咁好嘅？青島話：「原來老闆諗到條一條龍服務嘅好橋，佢嘅囡囡全部用呢間公司嘅道具，仲免費示範教客人點玩點用。」

原來係咁，客人覺得好玩，自然會買，咁生產商無形多咗一支示範隊伍，日日向客人直接示範產品，啲生意想唔好都難，青島話：「老闆條橋唔止做示範咁簡單，最後囡囡連售貨員都做埋，向客人提供低於巿價嘅優惠，代訂生產商所出嘅產品。」

面臨執笠

我哋搵嚟風俗店雜誌編輯青島先生訪問一下，呢間風俗店究竟點樣呢？青島話：「呢間風俗店都開咗兩三年，一直係做人妻服務，生意兩年嚟都唔好，老闆喺今年初建議免費送埋性道具玩意畀啲客人，但就惹起囡囡們嘅不滿，要求全面加薪。」

青島話：「本身生意就唔好，加咗服務，囡囡要求加薪又確實無可厚非，但老闆真係冇錢再投資，差啲搞到要執笠咁滯。」咁最後點樣會脫離執笠嘅危機呢？

青島話：「老闆閉關咗一個星期，之後就走嚟問我，叫我介紹間性道具生產商畀佢認識，我問佢識嚟做乜？唔通希望買道具畀囡囡用可以打折，點知佢話道具佢一個仙都唔畀，仲要生產廠送番錢畀佢使。」點解咁大想頭呢？

四方得益

老闆佢做埋分銷商，直接喺廠商攞貨，成本一定比巿價低好多，家陣再以優惠價賣畀客人，咁個老闆咪賺好多，青島話：「老闆一個仙都冇要，佢好識做，將所有賣貨佣金全數撥畀囡囡，於是囡囡喺客人面前更加努力做產品示範。」

忘記咗啲囡囡，之前因為要玩道具，要求過要加薪添，家陣老闆呢條橋，佢一分錢都冇出，但就可以做到生產商、客人、囡囡同埋自己，四方面都得到好處，當然佢嘅「御道具專科」更闖出名堂，生意好到不了，仲打算短期內開多幾間分店添。

青島總結：「由於囡囡搵錢多咗，大把人爭住嚟做，於是連質素亦相應提升，客人嘅滿足感又大咗，生意自然好到做唔切。」所以一切都係一個循環，只係管理層諗唔諗得通，唔會只顧一己私利，識得兼顧各方面，自然能夠逆巿求生，闖出美好明天。

撰文：小德