■記者 徐少琴
落成逾三十年的葵盛西邨，○七年九月開始全邨進行「全方位維修計劃」。獨居的伍女士去年六月獲房署派員為單位進行勘察，只稱廚房及浴室部分天花有石屎剝落現象，並獲安排維修，但完工未幾，上月竟出現嚴重天花剝落。
「好彩嗰日唔喺屋企，如果畀啲石屎扑中，死咗都唔知咩事！」伍女士指事發當晚，她於凌晨時分歸家，甫踏入家門赫見客廳天花牆紙大幅剝落，她掀起毀爛牆紙欲進行清理時，四塊不同大小石屎應聲跌下，其中一塊更闊約三吋、長八吋，石屎有生銹鋼筋痕迹。
工程延誤 屢遭投訴
入住上址十三年的伍女士指，單位過去曾出現不少問題，每次維修均未能徹底解決，她滿以為「全方位維修計劃」可一次過解決所有潛藏問題，未料因房署檢驗馬虎而再次失望，「佢（房署）淨係整咗廚房同浴室嘅天花，有牆紙遮住嘅地方，求其睇吓就話冇問題，整啲唔整啲點可以叫做全方位維修，咁同講大話有乜分別！」
事實上，「全方位維修計劃」推出以來，投訴之聲不絕於耳，公屋聯會主席王坤指，過去常接獲居民投訴工程延誤及「整啲唔整啲」，不但維修位置靠住戶指示，驗收時職員亦顯得經驗不足，「居民唔係專家，冇可能知道晒所有問題」，認為房署應安排具經驗的工程人員為住戶仔細檢查。「房署搞得呢個維修計劃，就有責任去幫住戶睇清楚，唔係求其交貨就算！」王促房署加強員工培訓及主動為住戶查核維修細節。
香港專業教育學院（青衣）建造工程系署理首席講師黃漢平指出，導致建築物鋼筋生銹，主因是石屎保護層厚度不足，一旦被空氣中的水分滲入，日積月累便會引致鋼筋生銹，繼而膨脹「谷爆」石屎，引致剝落。
牆紙覆蓋處懶查驗
就上述投訴個案而言，黃指雖然單位天花被牆紙覆蓋，但具經驗維修員仍可藉敲打天花了解石屎是否出現異常，「雖然睇唔到，但只要做多一步，敲吓個天花，就可以知道有冇問題，連呢個步驟都冇做就真係太馬虎！」
對於修葺工程被指甩漏，房署發言人未有正面回應，只強調勘察期間因客廳天花被牆紙覆蓋，職員已盡量顧及未有被天花牆紙覆蓋位置，至於是次天花剝落部分，接獲投訴後已維修妥當。