政情：阮蘇少湄借珠三角踩港府

港府成日話要增加使用天然氣，同埋嚴格控制電廠排放，換番個藍天，不過中電常務董事阮蘇少湄尋日就暗示班高官「齋講唔做」，到依家仲未同佢哋就住引入清潔能源傾時間表。政府唱慢板，中電惟有自救，主動同珠三角政府傾合作興建核電廠，仲傾得唔錯，阮蘇少湄主動大讚內地政府「坐言起行」，相反講到港府表現時，就拋咗一句「如果（港府）能夠實幹做，就唔會有太多爭拗」，明寸一班蝸牛高官！

匯控供股制唔過？專家教路散戶必睇！
詳情瀏覽on.cc《匯控供股自保攻略》