唔係人都可以做吸金機器？

智能電話普及催生出新世代網絡文化，要當上一位坐擁數十萬甚至過百萬粉絲的網絡紅人（即係KOL或稱Influencer），並不需要過五關斬六將參加選美比賽，十八般武藝亦可有可無；最重要是你所屬公司對於電腦軟件應用夠出神入法，同埋識得幫你包裝並與各大時裝品牌或相關媒體關係友好，就算你「唔係人」一樣可以變成吸金機器！
Noonoouri經常着住名牌時裝最新設計亮相。
Noonoouri經常着住名牌時裝最新設計亮相。

大眼noonoouri威到去大中華

由德國創意公司Opium Effect藝術總監Joerg Zuber於2018年所創作的Noonoouri（instagram@noonoouri），一睇就知「唔係人」，而且樣貌仲同曾經紅極一時的Blythe洋娃娃有啲似，一樣有對大到唔啱比例的大眼。據說其靈感繆思就是美國名媛Kim Kardashian，雖然Follower「只有」35萬，但佢喺高級時裝界的人氣卻好勁。

她經常身穿名牌時裝亮相各大時裝雜誌，坦白說Noonoouri嘅商業味道其實相當濃，去年她更於Instagram發表與《VOGUE》中國版的合作意向，由後者獨家代理她於大中華地區的工作事宜。試問如果Noonoouri冇番咁上下吸金能力又點會被招攬，而且形象西化嘅佢更改埋中文名「努努」，原因？唔使問啦！華麗背後其實都離不開一個錢字。

資深時裝雜誌總編兼《CR Fashion Book》創辦人Carine Roitfeld也有跟Noonoouri合照。
  • 資深時裝雜誌總編兼《CR Fashion Book》創辦人Carine Roitfeld也有跟Noonoouri合照。
據說Noonoouri的創作靈感源自「話題女王」Kim Kardashian。
  • 據說Noonoouri的創作靈感源自「話題女王」Kim Kardashian。

「黑珍珠」Shudu 零破綻勁似人

於Instagram坐擁20萬追隨者的超模Shudu（instagram@shudu.gram），其實是由英國時裝攝影師Cameron-James Wilson以電腦合成技術創作出來的虛擬模特兒。擁有深色皮膚、豐滿雙唇及高挑身形的她，是虛擬模特兒公司THE DIIGITALS旗下首位超模（同門仲有幾個虛擬模特兒）。如果單憑相片其實好難睇得出佢原來「唔係人」，而對比其他虛擬KOL頻密出Post的活躍程度，Shudu算係比較「唔休做」嗰種超模個性，只會間中分享其時裝照。呢一刻要取代真正超模應該就冇可能，但虛擬模特兒的出現至少給予時裝迷及品牌另一個欣賞及展示作品的途徑。

擁有高挑身形的Shudu根本就與真正超模無異。
  • 擁有高挑身形的Shudu根本就與真正超模無異。
即使近鏡影大頭都好難睇得出Shudu唔係人！
  • 即使近鏡影大頭都好難睇得出Shudu唔係人！

雀斑少女Lil Miquela 獲《TIME》認證

當現實世界一些有血有肉的KOL幾經辛苦經營先可以於Instagram換取到幾萬個Follower時，一個虛擬KOL竟然可以有超過二百萬Follower確實係好難接受的現實。2016年由洛杉磯人工智能公司Brud以CG合成技術所創作出來的Lil Miquela，最初是以虛擬歌手身份出道，於Spotify及YouTube發行音樂作品，其後人氣冒升就吸引到Chanel及Prada等時裝品牌邀請合作，更不時「亮相」各大時裝場合。

Travis Scott紀錄片《LOOK MOM I CAN FLY》發布活動上，都見到Lil Miquela蹤影。
  • Travis Scott紀錄片《LOOK MOM I CAN FLY》發布活動上，都見到Lil Miquela蹤影。
最初Lil Miquela是以虛擬歌手身份出道，Spotify上都有得聽其歌曲。
  • 最初Lil Miquela是以虛擬歌手身份出道，Spotify上都有得聽其歌曲。
她有着Supreme與AMBUSH等潮牌服飾。
  • 她有着Supreme與AMBUSH等潮牌服飾。
Imma跟日本時尚界人氣孖妹Aya Suzuki（左）及Ami Suzuki（右）一同拍攝美式工靴品牌Red Wing的造型照。
  • Imma跟日本時尚界人氣孖妹Aya Suzuki（左）及Ami Suzuki（右）一同拍攝美式工靴品牌Red Wing的造型照。

到2018年甚至被美國《TIME》雜誌選為最有影響力的網紅之一，其所屬公司Brud亦名利雙收，獲得財團基金Sequoia Capital注資600萬美元。

如今這位齊蔭髮型及滿面雀斑的22歲少女於Instagram（instagram@lilmiquela）上已經坐擁211萬個Followers，每張相平均都有10萬8萬個Likes，而且身邊亦不時出現來自不同領域的名人一同合照，吸金能力絕對不下於歐美當紅人氣KOL。

日本代表Imma 上封面「錢」途無限

由日本CG動畫公司ModelingCafe製作的Imma，可算是日本最人氣虛擬KOL，皮膚白滑緊緻加上一頭粉紅色短髮的顏值相當高，根本就如同你每日於社交平台所見的人氣偶像。IG Follower（instagram@imma.gram）接近18萬的Imma與時下KOL一樣，好鍾意Post靚相呃Like，最鍾意穿上潮服游走於日本街頭影相；而佢每一張相都是由一位模特兒用真身去拍攝，再由ModelingCafe後期製作「P圖」換上Imma的頭像，所以照片的真實度相當高。中國時裝雜誌《紅秀GRAZIA》4月號亦邀請了Imma拍攝封面及內頁造型照，由此可見虛擬模特兒出走現實世界的「錢」途絕對無可估計。

雖然Imma只是一位虛擬KOL，但剛剛就登上中國時裝雜誌《紅秀GRAZIA》4月號封面。
  • 雖然Imma只是一位虛擬KOL，但剛剛就登上中國時裝雜誌《紅秀GRAZIA》4月號封面。
日本一線女星綾瀨遙（左）都曾與Imma合照。
  • 日本一線女星綾瀨遙（左）都曾與Imma合照。
Kylie Jenner同Travis Scott（右）兩個都粉絲眾多，要吸金話都無咁易。
  • Kylie Jenner同Travis Scott（右）兩個都粉絲眾多，要吸金話都無咁易。

神枱級KOL百萬美元一個Post

其實不論係自稱為KOL或Influencer都好，收入多少都直接與其追蹤人數掛鈎。以時尚紅人Kylie Jenner為例，其IG Followers便高達1.7億（instagram@kyliejenner），任何一張相都有幾百萬甚至過千萬Like。據說要佢出一個Post的代價係100萬美元以上，但你要明白當大家想八卦佢戀情或者動向時，緊貼佢IG係最快最直接的方法。

「KOL照妖鏡」 踼爆造假

其實KOL造假「買Follower」都已經係公開的秘密，據聞假Follower「市價」大約係人民幣1蚊10個。有人造假就當然會有人求證，早前Plurk網站創辦人之一Alvin Woon就設計了統計網站hotinfluencer.com，將最受歡迎的KOL及YouTuber各項數項清楚羅列，當中更有Fake Followers一項，將一些不斷「派Like」或定期Follow及Unfollow帳戶定義為Fake Followers，對客戶來說有一定參考價值。

撰文：賴文曦