國產平Phone三鏡開窿

香港手機市場向來百花齊放，中美日韓高低階乜機都可以搵到。最近連出開電視的內地廠商TCL也來分一杯羹，推出旗下首款針對海外市場的中階智能手機PLEX，二千元左右有齊三鏡拍攝系統及開窿芒，用蔗渣嘅價錢，炮製出燒鵝嘅味道。

90%屏佔比開窿芒

PLEX用上6.53吋開窿芒設計，前置鏡頭位於左上角小孔，使屏佔比高達90%。另一賣點是支援TCL NXTVISION顯示技術，透過6軸色彩加強圖像鮮明度；另內置HDR影片加強器有助增強對比度、亮度及黑位層次。試睇影片時，畫面光暗適中色調飽和，配合「自適應色溫」功能，在不同燈光下都睇得舒服。其他硬件包括Snapdragon 675處理器及6GB RAM，《AnTuTu》測試有約20萬分，表現中規中矩；還支援快速充電功能、智能連接TCL電視變成遙控器等。

三鏡頭成像細緻

新機提供黑、白兩色選擇，同樣採用雙曲面玻璃，而背殼加入3D全息幻彩，觀感時尚。另順應多鏡潮流，植入4,800萬像素主攝、1,600萬像素超廣角及200萬像素景深三鏡頭系統，當中主攝鏡頭有F1.8大光圈，成像細緻度不俗，還支援「超級夜景模式」提升夜拍質素。超廣角鏡頭則擁有123°視野，美中不足是低光拍攝時有點偏紅。自拍方面，前置鏡頭有2,400萬像素及F2.0光圈，並提供美顏及多重濾鏡，女士們唔怕素顏玩Selfie。