三輪車需要戴頭盔嗎？
「爸爸，呢架電單車有個頂罩住好型呀，點解佢哋唔使戴頭盔嘅？」「呢架叫做機動三輪車，唔係電單車，至於頭盔……遲啲話你知。」為了解答兒子的問題，編者刻意致電多個有關部門查詢，發現原來好多部門都支吾以對，有些叫你致電另一部門……
先講駕駛機動三輪車牌照，只要考獲電單車駕駛執照，就會隨牌附送，頭盔呢？可以話兩睇！根據運輸署《道路使用者守則》中文版第七章指，「駕駛電單車時，你和你的乘客均須佩戴認可的安全頭盔，並且把頭盔扣緊。機動三輪車駕駛人及乘客亦應佩戴安全頭盔。」英文版就話，「You and your passenger must wear a safety helmet ofapproved design which must be securely fastened.」英文版無分兩個輪或三個輪，即是一律必須要戴（must wear），而中文版則多了機動三輪車一行，並用了個「應」字，即是沒有一定的意思，有選擇權。
兩者有區別，指引混亂，難怪各部門都摸不着頭腦，有些甚至不敢答。編者認為，無論中、英文版誰正誰確都不打緊，最重要是保障安全，即是奉勸各位：「梗係戴啦！」
兒子聽了編者的答案後說：「爸爸，我都係鍾意坐私家車多啲，夏天太熱，個頂又遮唔晒。我會睇定《Carworld Special》，大個仔買架靚車。」
今期率先睇年內量產的Mercedes-Benz Concept EQV，已到港的Audi A4 Avant及KIA Niro EV，同樣是近期大熱車型，不容錯過。
朱志華