Galaxy三寶輕巧薄趣

銀河機王Galaxy S10本月初正式抵港，搶去了不少機迷目光，其實同期還有3位銀河系列新成員推出，包括平板Galaxy Tab S5e、智能手錶Galaxy Watch Active及無線耳機Galaxy Buds，當中以平板的5.5mm超薄機身最具賣點，加上影音功能出眾，帶出街睇片玩Apps都咁有趣。

Galaxy Tab S5e即將在港開賣，暫時外國賣US$400，折約三千多港元有交易，定價相當進取呢！

Tab S5e激薄平板

雖然平板市場漸見萎縮，但Samsung每代平板都予人驚喜，如上代Tab S4的厚度只有7.1mm，今代Tab S5e再進一步，僅厚5.5mm，重量只有400g，隨身攜帶都不成負擔。機身以金屬材質打造，提供金、銀、黑3色選擇，斯文大方。屏幕用上10.5吋窄邊框設計，令屏佔比達85%，比上代更佳。而且解像度達2,560×1,600，測試播片時畫質亮麗色彩鮮艷，配合四聲道喇叭及Dolby Atmos環迴音效技術，用來煲劇一流。

功能偏向實用

型號上的e字代表「essential」意思，說明它的功能偏向實用，例如預載最新One UI介面，比常見Android介面更整齊。另支援Bixby Voice功能，可透過簡單語音查詢資料或遙控家電。拍攝功能方面，前後置鏡頭分別擁有800萬像素及1,300萬像素，提供大量濾鏡及景深調校效果，前置鏡頭還支援人臉解鎖，玩法齊全。另一賣點是電量有7,040mAh，可連續使用14.5小時，預計稍後在香港會推出Wi-Fi或LTE兩個版本。

金屬機背設計簡約，惟主鏡頭旁不設補光燈。

提供64GB或128GB兩款容量，對應microSD記憶卡。

雖然沒有虹膜識別系統，但支援人臉解鎖功能。

測試區

由於屏佔比達85%，睇片時視野相當廣闊，加上色彩鮮艷飽和，效果不俗。

利用前置鏡頭自拍，由於支援景深效果，背景虛化自然，容易突出主體。

Galaxy Watch Active智能手錶　數據全面

定位為運動型智能手錶的Galaxy Watch Active，用上薄身輕巧設計，圓框錶盤配以氟化橡膠錶帶，擁有軍用級認證，並符合IP68防水防塵標準，Sporty得來夠耐用。手錶除了可測量卡路里消耗、運動時間等數據外，還能檢測血壓、壓力及呼吸頻率等，也可跟蹤4個睡眠階段。此外，錶底的心跳感應器會於用家心律不正時發出警報，全面追蹤各位身體狀況。